पोस्ट धल:
उसाँय्
स्वनिगः
कवि तबः मरुयात लुमंकल
यल/लू साहित्यक पौया ग्वसालय् कवि तबः मरु (अमोघ ताम्राकार) या लुमन्तिइ नेवाः हाइकु व समीक्षा ज्याझ्वः जुल । पौया सम्पादक जुलुमलाल चित्रकारया सभापतित्वय् जूगु् उगु ज्याझ्वलय् प्राज्ञ कवि प्रतिसरा साय्मि मूपाहांकथं झायादीगु खः । मदुम्ह कवि तबः मरुया किपाय् माल्यार्पण यानाः न्ह्याःगु उगु ज्याझ्वलय् नेपालभाषा एकेडेमीया भाइस चान्सलर डा. पुष्पराज राजकर्णिकार, समीक्षक ध्रुव मधिकर्मी, वरिष्ठ संगीतकार मनराजा नकर्मी, नेवाः हाइकु ख्यःया नायः सुरेश प्रधान लगायतया पाहांपिन्सं कवि तबः मरुया योगदान व नेवाः हाइकुया बारे न्वंवानादीगु खः । तुयू पुंनं लसकुस च्वचु व रिता महर्जनं न्ह्याकादीगु उगु ज्याझ्वलय् हाइकु वाचन नं जूगु खःसा वाचन जूगु हाइकुया समीक्षा समीक्षक मधिकर्मीं यानादीगु खः ।